बेर्नाको बिन्ती

  रमेशचन्द्र घिमिरे

बेर्नाको बिन्ती ः बालकविता      

पर्ख, पर्ख, पर्ख   

 पर्ख एकै छिन

  विचार नपु¥याई   

   हिँड्छौ तिमी किन ?

 

दायाँबायाँ हेर   

अनि बल्ल हिँड

  जमिनतिर हेर   

    के हो भन्ने चिन

 

तिम्रो जस्तै छ नि   

मेरो पनि छाती

  छातीमाथि टेक्ने    

    हुन्छ अरे घाती

 

बीउ बेर्ना हुन्छु   

बेर्ना बोट हुन्छु

  किचिमिची पारे  

    म बिचरो रुन्छु

 

सपना छ मेरो    

ठूलो हुने मन छ

  भो(भो नकुल्चिऊ

    यही मनले भन्छ

 

बढेपछि भोलि   

घाँस-दाउरा दिन्छु

  अक्सिजनसँग   

    हावा साटी लिन्छु

 

कुरिराख मेरो  

रूख हुने दिन

  तिम्रो पनि आउँछ

    सुख हुने दिन ।