बालकविता : असिनाका दाना
श्रीबाबु कार्की उदास
के होला त्यो चिसो दाना, टिपे एक माना
खान पनि हुन्न अरे, राखे बिलाई जाने
पानीसँगै झर्दो रै´छ, मोती जस्तै ठाने
आमालाई नि भनेँ मैले, बाबालाई नि भनेँ
बताइदिनुस् के हो त्यस्तो ? बिलाएर जाने
भाइ पनि रुझ्दै भन्छ, टिपौँ मोती दाना
यै बेचेर किनौँला नि, क ख लेख्ने पाना
फलफूलका फूल पनि झारिदियो सप्पै
थोरै बेर आउँदो रै´छ अनि भयो ठप्पै
किसानको बैरी अरे, मोती जस्ता दाना
असिना पो भन्दा रैछन्, हुन्न अरे खान !
No comments:
Post a Comment