बालकविता - नानीको बानी

 नानीको बानी (बालकविता)

रमेशचन्द्र घिमिरे

खान्छे माम नानीले
खान्छे बुबु नानीले
टन्न खाइसकेर
चुठ्छे मुख पानीले

लिन्छे किताब नानीले
लिन्छे कापी नानीले
नानी असल भएकी
पढ्ने लेख्ने बानीले

बाँड्छे बिस्कुट नानीले
बाँड्छे मिठाई नानीले
बाँडी खान जान्दछन्
नानी जस्ता दानीले

राख्छे इज्जत नानीले
राख्छे मान नानीले
सिक्नुपर्छ यो कुरा
बुद्धिमानी ज्ञानीले

गर्छे माया नानीले
गर्छे आदर नानीले
यही बानी बसालौँ
हामी साना-सानीले ।

            - भोर्लेटार लमजुङ