 |
गोपी दाइको टोपी (बालकविता)
- रमेशचन्द्र घिमिरे
हाम्रा प्यारा स्यान्दाजै नाम यिनको गोपी
साह्रै राम्रा देखिए पैह्रिएर टोपी
अरू टोपी भन्दा त ढाका सक्कली
टोपी लाउँदा मामा र काका सक्कली
गोपी दाइलाई सुहायो टोपी लगाएर
म नि टोपी लाउने हो कस्तो हुन्छ हेर
पैसा मागी बासँग नयाँ टोपी किन्छु
टोपी लगाई म पनि चट्ट परी हिँड्छु
मेरो सानो मुडुलो शिर अब छोपी
गोपी दाइ झैँ म पनि लगाउँछु टोपी ।
––––––––––––––
भोर्लेटार, लमजुङ
********************
बालसाहित्यसँग सम्बन्धित अन्य सामग्री पढ्न र फलो गर्न यहाँ थिच्नुहोस् ।
No comments:
Post a Comment