हौ कि तिमी जूनकिरी : बालकविता
-रमेशचन्द्र घिमिरे
उज्यालोमा हराउने
अँध्यारोमा आउने
तिमी आ´काे देखेर
सबैजना रमाउने
के हाै तिमी कुन किरी ?
टललल टल्कने
सुनैसरी झल्कने
छुन पाउँदा तिमीलाई
केटाकेटी पल्कने
हाै कि तिमी सुनकिरी !
जूनबाट झरेर
जूनकै ज्याेति छरेर
आउँछाै राति-राति
पिलिक-पिलिक गरेर
रैछाै तिमी जूनकिरी ।
भन्दा होलान् ताराले
बोली मिठो पाराले
हामीजस्तै छौ भनी
चिन्छन् पक्कै साराले
ताराकिरी नभनेर
भन्छन् किन जूनकिरी
----------
भिडियोको लागि यो लिङ्क थिच्नुहोला ।
No comments:
Post a Comment