निर्देशनः लघुकथा
- रमेशचन्द्र घिमिरे
'सर, हेर्नु न ! यसले कपाल लामो बनाएर आउँछ
। मैले भनेको कहिल्यै पनि मान्दैन ।'
क्लास मनिटरले साथीलाई सङ्केत गर्दै नयाँ शिक्षकसँग गुनासो गर्यो
।
नयाँ शिक्षकले सुनेको नसुन्यै गरेर कुरा
फिसोल्दै पढाउनतिर मात्रै लागे ।
नयाँ शिक्षक भोलिपल्ट सोही कक्षामा पढाउन जाँदा हिजोको
गृहकार्य गरे नगरेको चेक गर्न खोजे । अनि हिजोको कुरा सम्झँदै क्लास मनिटरसँग भने-
'अँ साँच्ची तिमी हिजो केही भन्न खोज्दै थियौ है ?' यति भनेपछि लामो कपालवाला
विद्यार्थीलाई उठाए र भोलि जसरी पनि कपाल काटेर आउन निर्देशन दिए ।
रमाइलो कुरा त के थियो भने नयाँ सरले हिजो आफै
लामो कपाल पालेर आएका थिए, आज बिहान मात्रै काट्न भ्याएछन् ।
----------------------------
No comments:
Post a Comment